ថ្ងៃចន្ទ ១២កើត ខែចេត្រ ឆ្នាំម្សាញ់ សប្តស័ក ព.ស ២៥៦៩ ត្រូវថ្ងៃទី៣០ ខែមីនា ឆ្នាំ២០២៦ រដ្ឋាករស្វយ័តសាធារណៈរថយន្តក្រុង (City Bus) រាជធានីភ្នំពេញបានរៀបចំវគ្គបណ្តុះបណ្តាលស្តីពី “ ជំនាញបច្ចេកទេសបើកបររថយន្តក្រុង សម្រាប់បម្រើសេវាដឹក ជញ្ជូនសាធារណៈរថយន្តក្រុងក្នុងរាជធានីភ្នំពេញ” ក្រោមអធិបតីភាព លោក កែវ ចាន់ណារិទ្ធ អភិបាលរដ្ឋាករស្វយ័តដឹកជញ្ជូនសាធារណៈរថយន្តក្រុង (City Bus) រាជធានីភ្នំពេញ។ ក្នុងឱកាសវគ្គបណ្តុះបណ្តាលនេះ លោកអភិបាល បានណែនាំដល់បុគ្គលិកបើកបរថា៖១. ត្រូវបម្រើសេវារថយន្តក្រុងដឹកជញ្ជូនបងប្អូនប្រជាពលរដ្ឋឱ្យបានល្អ ប្រកាន់ភ្ជាប់នូវក្រមសីលធម៌ វិន័យ បើកបរគោរពចរាចរណ៍ ត្រូវចូលគ្រប់ចំណតឱ្យបានគ្រប់ចំណត ត្រូវបដិសណ្ឋារកិច្ចជាមួយអ្នកដំណើរ ដើម្បីធានាបានសេវាដឹកជញ្ជូនប្រចាំថ្ងៃ នៅក្នុងរាជធានីភ្នំពេញប្រកបដោយប្រសិទ្ធភាពខ្ពស់។២.អ្នកបេីកបរទាំងអស់ត្រូវត្រៀមលក្ខណៈឱ្យបានរួចរាល់ទាំងកម្លាំង ទាំងស្មារតី បច្ចេកទេសបើកបរឱ្យបានល្អ ត្រូវបេីកបរគោរពច្បាប់ចរាចរណ៍ ប្រកាន់ភ្ជាប់ក្រមសីលធម៌ វិន័យ មិនយកលុយអ្នកដំណើរ ដើម្បីធានាបានការដឹកជញ្ចូនបងប្អូនប្រជាពលរដ្ឋ ប្រកបដោយសុវត្ថិភាព ផាសុកភាព នៅក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០ “ជិះដោយមិនបង់ប្រាក់” រយៈពេល០៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៦ នាពេលខាងមុខនេះ។